Nderekobráiti la nde aguinaldo? Ko ára guive ikatúma edenuncia

 Agencia IP.- Ko ára guive, jueves 2 de enero, ikatúma ojejapo denuncia ndojekobráiti ramo aguinaldo Ministerio de Trabajo, Empleo y Seguridad Social-pe (MTESS). Kóva ikatu ojehechauka tendápe, oñenói, térã página web rupi.

«Ko ára guive rojagarráta umi denuncia noñemoañetéi ramo aguinaldo. Umi mba’apohárape ro’ese ko’ã denuncia iñanonimoháta. Avei, rojerurese chupekuéra tojepy’aguasu hikuái ha todenuncia, ikatu hag̃uaicha rojapo ñane rembiapo», he’i Verónica López, viceministra Empleo ha Seguridad Social rehegua.

Ko’ã denuncia ikatu ojejapo MTESS mba’apohápe, opytáva Luis Alberto de Herrera ha Paraguarí, táva Paraguaýpe, térã ambue 14 Dirección Regional de Trabajo oĩva opavave tetãvorépe ñane retãme. Upépe, oñeñatende lunes guive viernes peve, 07:00 aravo guive 15:00 aravo peve.

Avei, ikatu ojeike Denuncia Web-pe, térã ikatu oñehenói (021) 729 0100 ha ojehai WhatsApp-pe.

Código Laboral, Art. 243-pe, he’i pe remuneración anual complementaria ojejapo arã, ha oñeme’ẽ arã 31 de diciembre mboyve. Kóva ndojejapói ramo upéicha, mba’apohárakuéra ikatúma odenuncia ipatrónkuérape.

Aguinaldo-pe oñemoinge salario, hora extra oñemba’apóvo, comisión ha ambue ojepagáva upe arýpe, ha ko’ã ojedividi va’erã 12 jasýpe. Koápe ndoikéi bonificación familiar, permiso maternidad rehegua térã reposo médico. Aguinaldo ndojeikatúi ojepoko, kóa he’ise, ndojeikatúi oñedesconta ndéve mba’eve.

Oñepresenta ramo pe denuncia, MTESS oñepyrũ omba’apo upe mba’apohára oñeme’ẽ hag̃ua iñaguinaldorã. Ndojepagái ramo, oñemultáta hikuái 10 guive 30 peve jornal mínimo peteĩteĩ mba’apohára ndojepagáiva.

«Ko’ã sanción ndojejapói automáticamente. Umi empresa oreko oportunidad oñedefende hag̃ua, tohechauka opaga voi hikuái», he’i kuri viceministra López.