Domingo oúvape ojeguerováta aravo arahakúre Paraguáipe, ikatúva opytáma upéicha

 Domingo 6 de octubre ojeguerováta aravo Paraguáipe, ha umi reloj ohóta tenonde gotyo 60 aravo’i. Upéicha, oñemotenonde pe guerova aravo arahakúre, ikatúva opytáma upéicha ñane retãme oñemopyendáva Léi oñembohasapyréva Congreso-pe.

Peteĩha domingo octubre jave, ojeguerova aravo ñane retã pukukuépe, omopyendáva UTC-3 arahakúre g̃uarã, péicha he’i decreto presidencial 3638 ojeipurúva 2009 guive.

Jepénte, péva peteĩ Léi oñembohasapyréva nda’areiete Congreso-pe, ikatu kóva ha’e ipahaite jey ojejapóva ko guerova, péva aravo arahakúre ha’étagui definitivo tetãme g̃uarã, omopyendáva normativa.

Ko propuesta osanciona mokõive cámara Congreso Nacional-pe ha oñemondo Poder Ejecutivo-pe opromulga hag̃ua térã veto.

Oñemonéĩ ramo Léi, peteĩ decreto Ejecutivo rupive, Paraguái orekóta -3 GMT ha’éva itiempo ary pukukue, upe aravópe ojeipysóva Argentina, Uruguay, Chile ha Brasil-pe.

«Pe guerova térã jeheja aravo arahakúre oipytyvõta kyhyje’ỹ ñane retã ryepýpe, péva ojeporu porãvégui kuarahy aravo asaje jave», he’i mburuvicha Cámara de Diputados rehegua, Raúl Latorre.