Jubilado ha pensionado kuéra Caja Fiscal rehegua okobráta ko árape

 Umi jubilado ha pensionado kuéra Caja Fiscal rehegua, okobráta hepyme’ẽ octubre rehegua. Viru oñeme’ẽta red bancaria Banco Nacional de Fomento (BNF) rupi.

Avei, ko árape ojejapóta devolución aporte rehegua ha pago haber atrasado, he’i Tetã Viru Mohendapy Motenondeha (MEF).

Ko jasypápe oike 384 oñebeneficiáva ramo Caja Jubilaciones ha Pensiones rehegua. 10 ha’e reintegración rupive, 270 ha’e jubilado ha 104 pensionado oike ramóva Planilla de Pagos-pe octubre 2023 rehegua. Ko’ápe ikatu ojehecha pe nómina umi oikéva planilla Caja Fiscal-pe: https://bit.ly/3FAAnzT

Avei, 135 oñebeneficiáva okobráta Devolución Aportes rehegua. Ko’ápe ikatu ojehecha pe nómina ha mba’éichapa ojehepyme’ẽta chupekuéra: https://bit.ly/3ShbZLz

Upéicha avei 32 heredero oha’arõva Devolución de Aportes de Funcionarios Fallecidos en Servicio rehegua okobráta ag̃ui 15 noviembre-pe Cuenta Judicial-pe omoñepyrũva Juicio Sucetorio rehegua. Ko’ápe ikatu ojehecha ko nómina: https://bit.ly/3tDDWTg

Dirección General de Jubilaciones y Pensiones (DGJP) omomandu’a opavave tembiapopy natekotevẽi ojepaga ha ndojekontratái arã ambue tapichápe.

Ojereko ramo py’amokõi ikatu ojehenói (021) 729–0123 arakõi guive arapokõi peve, 07:30 – 15:30 mbytépe. Ikatu avei ojehai Tetã Viru Mohendapy Motenondehápe (MEF).