Umi feria “Año Paha” MAG rehegua oipytyvõ umi ñemitỹhára ombyaty hag̃ua G. 170 millones

Agencia IP.- Umi feria Agricultura Familiar Campesina guáva, ojejapo kuri Paraguaýpe ha San Lorenzo-pe oipytyvõ 448 ogayguakuéra ñemitỹhára ombyaty hag̃ua G. 170 millones, he’i Yvy ha Tymba Ñangareko Motenondeha (MAG).

Ko’ã ñemuha intermediario’ỹre héra Expo Feria Agricultura Familiar rehegua, ha ojejapo kuri explanada Canal 9-gua Sajonia-pe, táva Paraguaýpe. Ojejapo avei kuehe Dirección Comercialización Yvy ha Tymba Ñangareko Motenondeha-gua (MAG) tenondépe San Lorenzo-pe.

Ñembyatyteĩre ohupyty G. 170.825.500 (G. 90.620.500 ha’éva pe ojejapóva Costanera Paraguaýpe ha G. 80.205.000 pe sede Dirección Comercialización MAG rehegua). Upéicha, oñeipytyvõ kuri 448 ogayguakuéra ñemitỹhára oikóva tetãvore Paraguarí, Caaguazú, San Pedro ha Central-pe.

Opa mba’e umi ñemitỹhára oguerúva ichákragui oñemu hag̃ua opa kuri. Kóa ohechauka umi tavayguára ovy’a hína pe calidad ha precio orekóva oproducto kuéra. Avei, umi ojogúava ho’u tembi’u ñanemba’éva, ohecha umi rembiapojegua, yvyra, yvotykuéra ha ambue.