

Notas
Dinacopa ojapo transferencia monetaria electrónica pya’e ha hepy’ive
Ña Clara Contreras Maldonado oiko hína Capiatá-pe, ha sapy’a py’ante imemby oĩva España-pe omondo chupe viru. “Ko servicio Correogiros ipya’e ha iseguro. Akóinte aiporu aretira hag̃ua pirapire membykuñágui omondóva Gran Canaria, España-gui”, omomba’e guasu oho ramo entidad postal-pe.
He’i avei “Che membykuña odepositávo chéve pe pirapire, cuestión de horas rire ajúma agueraha Correo Paraguayo-gui”.
“Iporãiterei pe jesareko umi omba’apóva ko’ápe. Aipuru avei Correo amondo hag̃ua kuatiakuéra che membykuñápe España-pe, ha akóinte og̃uahẽ porã. Iporã ko servicio ha hepy’ive oñembojojávo ambue empresa-kuéra rehe”, he’i.
Correogiros ha’e peteĩ servicio postal ojapóva Pareha Tetãmegua Moakãha (Dinacopa), ikatúva rejapo rupi transferencia monetaria electrónica internacional de correo a correo.
Dinacopa omba’apo hína ko’ágã Uruguay ha España ndive. Mokõive tetãme heta compatriota oĩva ambue retãme oiporúva ko medio omondo ha orecibi hag̃ua pirapire.
Ko sistema oiko porãiterei, péva 15 aravo’i ojedepositávo monto ambue umi mokõi tetãme, ikatúmaojeguenohẽ ipirapire destino asignado-pe.
-
Empresarial2 semanas hace
Nuestro medio Paraguaydigital.com esta en venta
-
Notas2 semanas hace
Malena Arzamendia: “Aquí en la Patagonia, mantenemos vivas nuestras raíces, cultivando la danza paraguaya”
-
Notas5 días hace
Alertan sobre brotes de dengue en la región, a fin de garantizar diagnóstico temprano y atención oportuna
-
Notas5 días hace
Jóvenes del Cimefor encarnan la esperanza de un Paraguay más fuerte, resalta Peña en ceremonia de egreso