Haipykuéra oĩva Manjui ñe’ẽ teepe oñemog̃uahẽ comunidad San Eugenio-pe

Agencia IP.- Upe arapokõi ohasava’ekuépe, oñemog̃uahẽ heta haipy oĩva Manjui ñe’ẽ teépe ypykuéra rekoha San Eugenio-pe.

Ko’ã tembipuru ojapo oñondive ko ypykuéra rekohapeguakuéra ha Paraguái Ñe’ẽnguéra Sãmbyhyha (PÑS).

Ko’ã mba’e apytépe oĩ arandukaita ha banner-kuéra oguerekóva Manjui ñe’ẽ achegety, ojejapova’ekue hendivekuéra voi.

Ko atýpe Paraguái Ñe’ẽnguéra sãmbyhyhára, Javier Viveros, oñomongeta ko ypykuéra Manjui aty hérava San Eugenio moakãhára ndive, oñe’ẽ hikuái mba’e tapépa ojeipykuikuaa oñemombarete ha oñembohekoveresãi jey hag̃ua iñe’ẽ teekuéra.