MOPC ha tavusukuéra mburuvicha oñomoñe’ẽ peteĩ omba’apo hag̃ua tetãyguakuéra rérape

Ko árape, 13 jasyporundýpe, oñombyaty Consejo de Gobernadores, ha omoirũ avei Tetã Rembiapo ha Marandu motenondehára, Claudia Centurión, oñeñe’ẽhaguépe mba’éichapa oñemyatyrõta tapekuéra okaha rehe.
Upéva apytépe, San Pedro tavusu moakãhára, Fredy De’ecclesiis, he’i ko aty rupive oñeñomongetasehague TRM motenondehára ndive tembiapoita oĩva rehe, avei ambueve temikotevẽmby, ha mba’éichapa oñeg̃uahẽkuaa opaite tetã tavusuha rehe.

“Rombohysýi umi oñemotenondekuaáva tembiapo joajúpe. Tavusukuéra remimoĩmby guive oipytyvõta. Hi’ã oiko orehegui tembipuru añete motenondehárape, TRM-pe ha ko’ýte Tetã Rekuáipe”, ombojoapy tavusu moakãhára.

Ohecharamo avei ohecháre motenondehárape ohendu añeteha temikotevẽmby omog̃uahẽ opaite Consejo pegua, ha ohechauka avei omoañeteseha opa mba’e ojejeruréva.

“Jajapojeýrõ jajapohaichantevoi, akóinte jahecháta oikórõ jepiveguáicha, katu che ahecha motenondehárape añetehápe omba’aposeha hekópe ha ojapo’ambuéva umi mba’e”, omohu’ã.

Ko atýpe oĩ Concepción, San Pedro, Cordillera, Guaira, Ka’aguasu, Ka’asapa, Itapúa, Misiones, Paraguari, Ñe’ẽmbuku, Canindeju, Presidente Hayes ha Boquerón tavusu moakãharakuéra.