Notas
Oñeme’ẽta viru Paraguáipe oñangareko hag̃ua Lago Ypakaraíre
Agencia IP.- Peteĩ apopyrã hérava Programa BID Clima ovirume’ẽta oñeñangareko hag̃ua Lago Ypakaraíre. “Ko ñangareko ha’e maymávape g̃uarã”, he’i tendotakuéra Tetã Rekuái rehegua.
Programa Banco Interamericano de Desarrollo-gua (BID) ikatu ome’ẽ descuento umi préstamo-pe tetãnguéra ohupytýva rembipota biodiversidad ha clima rehegua, ikatúva ha’e rembiapota ñandejere rehegua, viru ojeipuru porãro ha ikatuha he’i mba’éichapa oho ohóvo.
Paraguái oime oikéva programa piloto-pe omboheraguapy rire Acuerdo Conferencia de las Partes Cumbre de las Naciones Unidas para el Cambio Climático (COP 28) Dubai-pe.
Tetã Viru Mohendapy Motenondehára (MEF), Carlos Fernández, omboheraguapy ñoñe’ẽme’ẽ omoirũva Tetã Rembiapo ha Marandu Motenondehára (MOPC), Claudia Centurión, Tetã Mba’e’apopy ha Ñemu Motenondehára (MIC), Javier Giménez ha Gabinete Civil Motenondehára, Lea Giménez.
Programación presupuestaria oñemoĩva peteĩ ñe’ẽme Tetã Rekuái ha BID rupi, ha’éva mokõi línea US$ 309 millones ha US$ 469 millones, ojehechauka arã umi propuesta desarrollo sostenible rehegua infraestructura-pe, transición energética ha recurso hídrico omboguatáva.
Tetãnguéra omoañetéva’erã indicador BID oike hag̃ua ko jopoipyhy 5% subvención préstamo rehegua.
Tetã Rembiapo ha Marandu Motenondehára (MOPC), Claudia Centurión, he’i kóva ha’e peteĩha aravo Tetã Rekuái omomba’eguasu pe apañuãi orekóva Lago Ypakaraí, ha oñemba’apóta oñeñangareko hag̃ua hese.
Peteĩha tetãnguéra oikéva ko apopyrãpe ha’e Barbados, Belice, Brasil, Chile, Colombia, Paraguay, República Dominicana, Surinam ha Uruguay.
-
Notas2 días hace
Gobierno apunta a inversión en tecnología y desarrollo que permitan generar empleo digno y bien remunerado en Paraguay
-
Nacionales1 semana hace
Acuerdo en Itaipu permitirá acelerar inversiones de la ANDE para que Paraguay utilice toda la energía
-
Nacionales1 semana hace
Gobierno inaugura este jueves 62 primeras viviendas de las 14.300 que están ejecución
-
Nacionales1 semana hace
Habilitan plataforma digital para acceder a información sobre catastro minero del país