19.000 kilos tembi’u oñeme’ẽ comedor-pe ypykuéra Chaco-pe g̃uarã

Tekoaty Akãrapu’ãrã Motenondeha (MDS) ome’ẽ 19.263 kilos tembi’u rehegua ojeipurútava 21 comedor-pe ypykuéra oikóva Chaco-pe g̃uarã, Programa de Apoyo a Comedores Comunitarios (PACOC) ndive.

Oñemoguahẽ umi tembi’u 9 comedor-pe oĩva Teniente Irala Fernández, Villa Hayes ha Gral. Brugez-pe, tetãvore Presidente Hayes.

Tetãvore Boquerón-pe oñemoguahẽ tembi’u 5 comedor Loma Plata-pe, 3 oĩva Teniente Montanía-pe, 1 Filadelfia-pe ha 1 Mariscal Estigarribia-pe.

Ko ñeme’ẽ ohupyty 2.078 yvypóra mitã, mitãrusu ha adultos mayores-pe oikotevẽvéva ha ohóva umi comedor-kuérape

Motenondehára Tadeo Rojas ohechakuaa Tetã Ñangareko Motenondeha (MDN) rembiapo, ome’ẽva 2 kamiõ ogueraháva’akue tembi’ukuéra.

Tekoaty Akãrapu’ãrã Motenondeha (MDS) oipytyvõ haimete 200 comedor oĩva atyhápe kuérape ambue tetãvorépe, ha ohupyty 165.000 yvypóra oikotevẽvéva.