MEC oikuaaka calendario escolar ko arýpe g̃uarã

Asunción, Agencia IP.- Tekombo’e ha Tembikuaa Motenondeha (MEC) oikuaaka calendario escolar ko arýpe g̃uarã Resolución No. 6/2024 rupi. Oñepyrũta hikuái 23 de febrero-pe ha opáta 29 de noviembre-pe.

Pe resolución omboheraguapy kuri Motenondehára Luis Fernando Ramírez, omoñe’ẽme’ẽ rupive umi mbo’ehára ha túva ha sy kuéra.

Mbo’eha’o kuéra oñepyrũta omba’apo 12 de febrero guive, ikatu hag̃uaicha umi sy, túva ha ambue oho oinskrivi mitãnguérape ha umi temimbo’e ojapóva arã examen complementario ha regulatorio.

Ko calendario avei oikuaaka umi pytu’u araro’y rehegua, ha’éva 8 de julio guive 19 de julio peve.

Umi arete oikótava ko arýpe MEC he’iháicha ha’e ko’ã:

1. 01/03: Héroe-kuéra Ára.
2. 28-29/03: Arapokõindy Marangatu.
3. 30/04: Mbo’ehára Ára.
4. 01/05: Mba’apohára Ára.
5. 14-15/05: Tetã Ára ha Sy Ára.
6. 12/06: Cháko Py’aguapy Ára.
7. 15/08: Paraguaý Ñemopyenda Ára.
8. 29/09: ​Ñorairõ Boquerón Ñemandu’a Ára.
9. 08/12: Tupãsy Ka’akupe Ára.